ياللي تاعبنا سنين في هواه
عامل نفسه مايعرفناش
بعد العمر ده كله معاه
فاتنا و قال راجع و لا جاش
و أهو دلوقتي لما بقابله
عيني في عينه ما انزلهاش
حتى إزيك! مستخسرها!! مستكترها ما بيقولهاش
ده اللي في حبه، ضيع قلبي.. ضيع قلبي و رحت بلاش
شوفتوا إزاي في قلوب خاينين
شوفتوا إزاي مافيهومش حنين
ولا القسوة ده طبع حبيبي
و أنا من حيرتي و لهفة قلبي
بظلم بس قلوب تانيين
حتى إزيك! مستخسرها!! مستكترها ما بيقولهاش
ده اللي في حبه، ضيع قلبي.. ضيع قلبي و رحت بلاش
ياللي هجركوا حبيبي انسوه
و بلاش تاني تتعبوا روحكوا
بكرة تقابلوا اللي تحبوه
و اللي يصونكوا و يريحكوا
سيبكوا بقى من قولة آه سيبوا الكلمة ما تتعبوهاش
ده اللي تعبنا سنين في هواه عامل نفسه ما يعرفناش
حتى إزيك! مستخسرها!! مستكترها ما بيقولهاش
ده اللي في حبه، ضيع قلبي.. ضيع قلبي و رحت بلاش
.
